ရင်းနှီးမြှုပ်နှံသူများကို ဆွဲဆောင်နေတဲ့ ရန်ကုန်မြို့သစ်

ဒီဇင်ဘာ ၅၊ ၂၀၁၈

ရန်ကုန်မြို့သစ်စီမံကိန်းအတွက် လိုအပ်တဲ့ ရင်းနှီးမြှုပ်နှံမှုနဲ့ စပ်လျဉ်းပြီး ပြီးခဲ့တဲ့လအတွင်းမှာ ကျေနပ်အားရစရာ တုံ့ပြန်မှုတွေ ရရှိခဲ့ပါတယ်။

ပထမတစ်ခုကတော့၊ တရုတ်ပြည်သူ့သမ္မတနိုင်ငံ National Development and Reform Commission of China (NDRC) ၏ ဒုတိယဥက္ကဋ္ဌ Mr. Ning Jizhe ဦးဆောင်တဲ့ ကိုယ်စားလှယ်အဖွဲ့ဟာ မြန်မာနိုင်ငံကို အလုပ်ခရီးစဉ်အနေနဲ့ နိုဝင်ဘာလနောက်ဆုံးအပတ်က လာရောက်ခဲ့ပြီး ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းနဲ့ တွေ့ဆုံခဲ့ပါတယ်။ ဝန်ကြီးချုပ်နဲ့တွေ့ဆုံစဉ်မှာ Mr. Ning Jizhe မှ ရန်ကုန်မြို့သစ် အကောင်အထည်ဖော်တဲ့နေရာမှာ တရုတ်နိုင်ငံရဲ့ စိတ်ပါဝင်စားမှုကို ထပ်လောင်းပြောကြားခဲ့ပါတယ်။ မြို့သစ်ရဲ့အခြေခံအဆောက်အအုံတွေ တည်ဆောက်နိုင်ဖို့ ရင်းနှီးမြှုပ်နှံမှုတွေ အများကြီးလိုမှာဖြစ်လို့ ဒီတွေ့ဆုံမှုဟာ အင်မတန်အရေးပါတဲ့ တွေ့ဆုံမှုဖြစ်ခဲ့ပါတယ်။

နောက်ထပ်ရင်းနှီးမြှုပ်နှံမှုနဲ့ ပတ်သက်ပြီးတော့ ပြီးခဲ့တဲ့သီတင်းပတ်က Hong Kong Trade Development Council ဦးဆောင်တဲ့ အဖွဲ့ဝင် (၃၇) ယောက်ပါဝင်တဲ့ ကိုယ်စားလှယ်တွေဟာ ရန်ကုန်မြို့ကို လာရောက်ခဲ့ကြပါတယ်။ ဒီကိုယ်စားလှယ်အဖွဲ့မှာ စက်မှုလုပ်ငန်းနဲ့ ကုန်ထုတ်လုပ်မှုလုပ်ငန်း လုပ်ကိုင်နေတဲ့သူတွေ အများကြီးပါဝင်ပြီး ရန်ကုန်မြို့သစ်မှာ ရင်းနှီးမြှုပ်နှံဖို့ စိတ်ပါဝင်စားမှုရှိကြသလို ကုန်ထုတ်လုပ်တဲ့ စက်ရုံတွေကို တရုတ်နိုင်ငံကနေ မြန်မာနိုင်ငံကို ပြောင်းရွှေ့လာဖို့ စိတ်အားထက်သန်တဲ့ လုပ်ငန်းရှင်တွေလည်း ပါဝင်ပါတယ်။ ထိုကိုယ်စားလှယ်အဖွဲ့နဲ့ NYDC တို့ နိုဝင်ဘာလ (၂၈) ရက်နေ့က တွေ့ဆုံခဲ့ပြီး ရန်ကုန်မြို့သစ်နဲ့ စပ်လျဉ်းတဲ့ အသေးစိတ်အချက်အလက်တွေကို ရှင်းလင်းခွင့်ရရှိခဲ့ပါတယ်။ ဒီတွေ့ဆုံမှုက အောင်မြင်ပြီး အကျိုးရှိတဲ့ တွေ့ဆုံမှုဖြစ်ခဲ့ပြီး ဝင်ရောက်လာမယ့် ရင်းနှီးမြှုပ်နှံမှုတွေနဲ့ ကုန်ထုတ်လုပ်ငန်းတွေအတွက် ပိုပြီးကောင်းမွန်ပြည့်စုံတဲ့ စီမံချက်တွေ ပြုလုပ်ထားနိုင်မှာ ဖြစ်ပါတယ်။

စီမံကိန်းဆိုင်ရာ တိုးတက်မှု

စီမံကိန်းဆိုင်ရာ တိုးတက်မှုအနေနဲ့ AECOM ရဲ့ Master Plan ရေးဆွဲမှု ပထမအဆင့် ပြီးဆုံးသွားပြီဖြစ်ပြီး ဒီအပတ်သောကြာနေ့မှာ အလုပ်ရုံဆွေးနွေးပွဲ (Visioning Workshop) တစ်ခု ပြုလုပ်သွားမှာ ဖြစ်ပါတယ်။ ဒီအလုပ်ရုံဆွေးနွေးပွဲကို တိုင်းဒေသကြီးမှတာဝန်ရှိသူများ၊ သက်ဆိုင်ရာဌာနများမှ တာဝန်ရှိသူများ၊ မြန်မာနိုင်ငံအင်ဂျင်နီယာအသင်းနဲ့ မြန်မာနိုင်ငံဗိသုကာပညာရှင်များအသင်းမှ ပညာရှင်များနှင့် အကျိုးသက်ဆိုင်သူများကို ဖိတ်ကြားသွားမှာဖြစ်ပြီး အကြံဉာဏ်များ ရယူသွားမှာဖြစ်ပါတယ်။ ဒီအလုပ်ရုံဆွေးနွေးပွဲကို နေရာအကန့်အသတ်ကြောင့် တက်ရောက်သူအနည်းငယ်ကိုသာ ဖိတ်ကြားနိုင်ပြီး ဇန်နဝါရီလအတွင်း Master Plan ဒုတိယအဆင့် ပြီးဆုံးတဲ့အချိန်မှာ ပိုမိုကျယ်ပြန့်တဲ့ ဆွေးနွေးပွဲတစ်ခုကို ပြုလုပ်သွားပါမယ်။

Flood Risk Assessment နဲ့ Traffic & Transport Planning တို့အတွက် ကနဦးအစီရင်ခံစာ ရေးဆွဲမှုတွေ အောက်တိုဘာလကုန်မှာ ပြီးဆုံးခဲ့ပါတယ်။ ဇန်နဝါရီလအစပိုင်းမှာ ဒုတိယအဆင့် Master Plan ဒီဇိုင်းပြီးစီးနိုင်ဖို့ သက်ဆိုင်ရာကဏ္ဍအလိုက်က အကြံပေးတွေအားလုံးက ပူးပေါင်းရေးဆွဲလျက်ရှိပါတယ်။ Strategic Environmental Assessment နဲ့ Environment Impact Assessment အကြံပေးအနေနဲ့ ERM Myanmar ကုမ္ပဏီလီမိတက်ကို နိုဝင်ဘာလ (၂၀) ရက်နေ့က ရွေးချယ်ခဲ့ပါတယ်။

ကျွန်တော်တို့ Pre-Project Documents (PPD)ကိုလည်း အပြီးသတ်ရေးဆွဲပြီးပါပြီ။ နောက်တစ်ဆင့်အနေနဲ့ PPD မူကြမ်းကို တိုင်းဒေသကြီးအစိုးရအဖွဲ့နဲ့ တိုင်းဒေသကြီးရှေ့နေချုပ်ရုံးကို တင်ပြသွားမှာပါ။ သက်ဆိုင်ရာအာဏာပိုင်တွေထံက ခွင့်ပြုချက်ရရှိပြီးရင် PPD ကို ကြေငြာသွားမှာဖြစ်ပြီး NYDC Challenge တင်ဒါလည်း စတင်သွားမှာ ဖြစ်ပါတယ်။

လေးစားစွာဖြင့်

သိမ်းဝေ@Serge Pun

Related Posts

ရေကြီးရေလျှံမှုမဖြစ်အောင် ဘယ်လိုထိန်းချုပ်ကြမလဲ

ရေကြီးရေလျှံမှုမဖြစ်အောင် ဘယ်လိုထိန်းချုပ်ကြမလဲ မြန်မာနိုင်ငံဟာ မုတ်သုံဝင်ခါနီးတာနဲ့အမျှ မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ မုန်တိုင်းသတိပေးချက်တွေဟာလည်း ပေါ်ထွက်လာပါပြီ။ ရေမြောင်းပိတ်ဆို့မှုတွေကြောင့် ဖြစ်ပေါ်လာတဲ့ ရေကြီးရေလျှံမှုတွေဟာလည်း မိုးရာသီရောက်တိုင်း ကြုံတွေ့ရတဲ့…Read more

Towards a Safe, Smart, Clean and Liveable Yangon

လုံခြုံစိတ်ချမှု၊ သတင်းအချက်အလက်နည်းပညာများပြည့်စုံမှု၊ သန့်ရှင်းမှု နှင့် ပြည့်စုံသော နေထိုင်ရန် အဆင်ပြေကောင်းမွန်သည့် ရန်ကုန်မြို့တော်ဆီသို့ ကမ္ဘာပေါ်မှာရှိတဲ့ မြို့ပေါင်း ၁၄၀ ရဲ့ မြို့ပြလူနေမှုစနစ်မြင့်မားမှုကို တိုင်းတာစာရင်းပြုစုထားတဲ့ ကမ္ဘာပေါ်မှာ…Read more

ရန်ကုန်မြို့သစ်စီမံကိန်း ကိုဘာလို့ အကောင်အထည်ဖော်ရတာလဲ

ရန်ကုန်မြို့သစ်စီမံကိန်း ကိုဘာလို့ အကောင်အထည်ဖော်ရတာလဲ မင်္ဂလာပါ။ New Yangon Development Company မှာ ဒုဥက္ကဌ နဲ့ CEO တာဝန်ယူထားခွင့်ရတဲ့အတွက် အင်မတန်ကို ဂုဏ်ယူဝမ်းမြောက်ရပါတယ်။…Read more

စီးပွားရေးလုပ်ငန်းတွေ ဖွံ့ဖြိုးတိုးတက်လာဖို့ အားပေးကူညီနေတဲ့ စီးပွားရေးလုပ်ငန်

စီးပွားရေးလုပ်ငန်းတွေ ဖွံ့ဖြိုးတိုးတက်လာဖို့ အားပေးကူညီနေတဲ့ စီးပွားရေးလုပ်ငန်း အစိုးရက အစိုးရအလုပ်မလုပ်ဘဲ ဘာလို့စီးပွားရေးလုပ်နေတာလဲ? New Yangon Development Company လို့ခေါ်တဲ့ ကုမ္ပဏီထူထောင်ပြီး စီးပွားရေး ဝင်လုပ်ဖို့လိုလား?…Read more

NYDC Challenge ရဲ့ ပထမအဆင့်ကို စတင်အကောင်အထည်ဖော်ခြင်း

NYDC Challenge ရဲ့ ပထမအဆင့်ကို စတင်အကောင်အထည်ဖော်ခြင်း NYDC Challenge ဆိုတာ မျှတတဲ့ပြိုင်ဆိုင်မှု၊ ပွင့်လင်းမြင်သာမှုနှင့် ထိရောက်မှု ရှိအောင်လုပ်ထားတဲ့ ကမ္ဘာအနှံ့မှာ ကျင့်သုံးနေတဲ့ Swiss…Read more

အလုပ်အကိုင်အခွင့်အလမ်းအသစ်(၂)သန်း ဘယ်လိုဖန်တီးနိုင်မလဲ

အလုပ်အကိုင်အခွင့်အလမ်းအသစ်(၂)သန်း ဘယ်လိုဖန်တီးနိုင်မလဲ မင်္ဂလာပါ။ ပျှော်ရွှင်စရာနှစ်သစ်ဖြစ်ပါစေလို့ ဆုမွန်ကောင်းတောင်းပါတယ်။ ပြီးခဲ့တဲ့တစ်ခေါက်က ရန်ကုန်မြို့သစ်စီမံကိန်းရဲ့ ရည်ရွယ်ချက်ကို ပြောပြရှင်းလင်းပြီးတဲ့အခါမှာ အခုတစ်ခေါက်မှာတော့ အလုပ်အကိုင်အခွင့်အလမ်းအသစ်(၂)သန်းကို ဘယ်လိုဖန်တီးပေးမလဲဆိုတာကို ဆက်လက်ရှင်းလင်းသွားပါမယ်။ ရန်ကုန်မြို့သစ်ဖွံ့ဖြိုးရေးကုမ္ပဏီလီမိတက် ထူထောင်ကြောင်းကြေငြာတဲ့အခမ်းအနားမှာ…Read more